ICEBERG-ip ukioq siulleq naammassilerpaa. Suliniummik aqutsisut Thora Herrmann aamma Élise Lépy ukioq manna angusimasatik kisitsisinillu katersuussat pillugit eqqaamasaminnik avitseqatigiipput, aammalu 2025-imut neriuutertik oqaluttuaralugu.
Asasagut ICEBERG-ip ikinngutai,
Januaarimi 2024-imi ICEBERG aallartinneraniit ukioq manna pisimasorpassuaqarpoq. Ukiup ingerlanerani naapissimasatsinnut suleqatigisimasatsinnullu tamanut qujassutigeqisatsinnik takutitsinissatsinnut piffissanngorpoq.
Nuannaarutigaarput oqaatigissallugu, siullermik misissuiffigineqartartoq maanna naammassineqartoq, Svalbardimi, Islandimi Kalaallit Nunaannilu misissuineq iluatsilluartoq ingerlanneqarpoq. Suleqatigiittuni innuttaasunik suleqateqarnikkut nalunaarsukkat naleqartorpassuit katersorneqarput. Suleqatigiinneqanngitsuuppat tamanna pisinnaasimassanngikkaluarpoq.
Nalunaarsukkanik misissuineq siulleq maanna naammassineqarpoq, immami eqqakkat pillugit sunniuteqartartunik sumiiffissanik nassaarnissamut ilitsersuisunik titartakkat siulliit suliarineqareerlutik. Maanna 2025-imi misissuiffigineqartussanut piareersarnerit ingerlapput.
Aamma innuttaasut suleqataaffigisinnaasaat eqqakkanik malinnaaviginnittarfiup attaveqatigiinnikkut ingerlasartup aallartinneri ingerlappagut, tassani inuit nalunaarsukkanik ikkussuinerisigut peqataaffigisaannik. Platformimi nalunaarsuisimasut tamanut qujarusuppugut. Issittumi najugaqaruit, eqqakkanik ersiutit takusatit ilanngullugit nassiussinikkut ilisimatitsissutigikkit!
ICEBERG suleqatigisimasaallu sulinerminnik nunat tamalaat akornanni aaqqissuussani arlalinni saqqummiipput, soorlu EU Science Week-imi aamma Atlantic & Arctic Lighthouse Weekly Hour-imi.
Taakku saniatigut ICEBERG Busanimi plastikkimut tunngatillugu isumaqatigiissutissamik nunarsuaq tamakkerlugu isumaqatigiinniarnermut atatillugu ataatsimiinnermi kingullermi peqataalluarsimavoq.
Aamma projektilioqatitsinnik ILLUQ-mik aammalu ArcSolutionimik, ataatsimoortumik aningaasaliiffigineqarsimasunik, suleqateqarnermik pissanganartumik aallartisaasimagatta nuannaarutigaarput. Suleqatigiinnerput projektsimi ineriartorneq ingerlaqqinnerani nangittumik nukittorsartuassasoq naatsorsuutigaarput.
Ukioq una naaleriarmat, suleqatigisimasatsinnut, suleqataasimasunut allanut, innuttaasunut ikinngutitsinnut tapersersortitsinnullu tamassinnut qujavugut tunniusimasuusimanersi aammalu sulisimanersi nukittooq pillugu. Ikiuutigisimasasi ukioq manna angusaqarfiulluartumik ingerlasimavoq, aammalu ukiuni tulliuttumi pissanganarnerusussani ingerlaqqinnissatsinnut qilanaarpugut.
2025-imi pissanganartunik pisoqarumaarpoq: Svalbardimi, Islandimi Kalaallit Nunaannilu misissuiffigineqartussami nutaanik aallartitsineq, innuttaasunik suleqateqarnikkut eqqakkanik aqutsinermut iliuusissanik ineriartortitsineq, misissuiffigineqartuni pingasuni eqqakkat katersuuffigisartagaannik titartakkanik suliarinninneq, sinerissap eqqaani eqqakkanik allanngorarnernik time-lapse-kameranik assilisat takussutissartaannik misissuineq, imeq pillugu pitsaassuseqarluarneranut siunnersuinissamut misileraanernik aallartitsineq, peqqissutsimut tunngasunik paasissutissanik misissuineq ingerlatinneqarlunilu sukumiisumik sammineqassaaq, aammalu siullermeerluni politikkeqarnermut tunngatillugu paasissutissanik saqqummiineq il. il.
Nutaarsiassat malinnaaffigilluarigit tapersersuinissinnullu qujavugut!
Tamassi juullisiorluarnissassinnik kissaappassi ukiumilu nutaami angusaqarluarisi!
Inussiarnersumik inuulluaqqusilluta
Thora Herrmann & Élise Lépy
Assiliisoq: Tahnee Prior, Women of the Arctic.
Nutaarsiassaatitsinnik pisartagaqalerit projektillu ingerlaarneranut malinnaaqataalerlutit.
lmalluguProf. Thora Herrmann
University of Oulu
thora.herrmann@oulu.fi
Dr Élise Lépy
University of Oulu
elise.lepy@oulu.fi
Marika Ahonen
Kaskas
marika.ahonen@kaskas.fi
Innovative Community Engagement for Building Effective Resilience and Arctic Ocean Pollution-control Governance in the Context of Climate Change
ICEBERG has received funding from the European Union's Horizon Europe Research and innovation funding programme under grant agreement No 101135130
