ICEBERG Ljósmyndakeppni: Fangaðu áhrifin

ICEBERG Ljósmyndakeppnin er opinber ljósmyndakeppni sem skipulögð er af ICEBERG rannsóknaverkefninu og miðar að því að varpa ljósi á umhverfisbreytingar og hvetja fólk til dáða þegar kemur að því að halda umhverfi á norðurslóðum hreinu. Lumar þú á ljósmynd frá Akureyri eða Húsavík sem sýnir umhverfisaðgerðir, samfélagsátak eða þörfina fyrir umbætur? Deildu myndinni — hvort sem hún sýnir jákvæð áhrif eða afleiðingar mengunar — og segðu okkur frá þinni sýn um hreinni norðurslóðir.

Þú gætir unnið glæsileg verðlaun og fengið ljósmyndina þína birta.

Hvað á að senda inn

Ljósmynd sem sýnir:

• Umhverfisaðgerð eða árangurssögu: T.d.hreinsunarátak eða samfélagsverkefni
• Svæði sem þú hjálpar til við að vernda eða endurheimta
• Mengun og þína sýn um umbætur. Hvernig ætti þetta svæði að líta út í staðinn?

Hvernig á að taka þátt:

Skref 1: Sendu inn þína eigin ljósmynd + stutta lýsingu
Skref 2: Fylltu út formið með samskiptaupplýsingum þínum

Skilafrestur: 27. maí 2025

Ljósmyndin þín verður hluti af ICEBERG samfélagsvöktunarvettvanginum, sem vinnur með samfélögum á Íslandi, í Kalaallit Nunaat (Grænlandi) og á Svalbarða við að fylgjast með mengun og vernda náttúruna. Þátttaka þín hjálpar til við að byggja upp gagnvirkt kort með samfélagssögum og aðgerðum fyrir heilbrigðari norðurslóðir.

Komdu á vinnustofuna okkar á Húsavík þann 28./30. maí til að komast að því hvort þú hafir unnið — og ná í verðlaunin þín!

Reglur

Hverjir geta tekið þátt?

Allir 18 ára og eldri búsettir á Akureyri eða Húsavík geta tekið þátt.

Skilafrestur

27.maí 2025

Hvað á að senda inn?

Sendu eina ljósmynd sem sýnir:

• Umhverfisaðgerð eða árangurssögu: T.d. hreinsunarátak eða samfélagsverkefni
• Svæði sem þú hjálpar til við að vernda eða endurheimta
• Mengun og sýn þína um umbætur. Hvernig ætti þessi staður að líta út í staðinn?

Ljósmyndin getur verið úr safni, úr símanum, tölvunni eða tekin sérstaklega fyrir þessa keppni. Þú ættir að vera eini höfundur ljósmyndarinnar og eiga höfundarréttinn.

Hver innsending ætti að innihalda eftirfarandi upplýsingar:

• Tengiliðaupplýsingar: fornafn og eftirnafn
• Stutta athugasemd: Hvar og hvenær var ljósmyndin tekin? Hvers vegna valdir þú hana? Ef ljósmyndin sýnir mengun, segðu okkur frá þinni sýn — hvernig ætti þessi staður að líta út í staðinn?

Ljósmyndasnið

• Myndir skulu sendar inn í upprunalegri upplausn án breytinga
• Myndir mega ekki hafa verið birtar eða hlotið verðlaun í annarri keppni
• Myndir í stafrænu eða prentuðu formi verða samþykktar, þær geta verið í svart-hvítu eða litum
• Þú getur hlaðið upp ljósmyndinni þinni á vefsíðu keppninnar (https://arctic-iceberg.eu) í stafrænu formi sem .jpg eða .png skrá

Dómnefnd

Staðbundin dómnefnd mun velja sigurvegara. Opinber verðlaunaafhending mun fara fram 28. og 30. maí 2025 á Húsavík.

Verðlaun

1. verðlaun „Besta myndin“

Allar innsendar ljósmyndir verða hluti af ICEBERG samfélagsvöktunarvettvanginum (ICEBERG Community Monitoring Platform) – tól sem hvetur samfélög á Íslandi, Kalaallit Nunaat (Grænlandi) og Svalbarða til að fylgjast með mengun og vernda náttúruna. Þátttaka þín hjálpar til við að byggja upp gagnvirkt kort af samfélagssögum og aðgerðum fyrir heilbrigðari norðurslóðir.

Mikilvægt – Skilyrði þátttöku:

Innsendar myndir mega ekki teljast klámfengnar, móðgandi, ærumeiðandi, siðferðilega ámælisverðar, óviðeigandi fyrir börn, hvetja til ofbeldis eða haturs, fela í sér áreitni, kynþáttahatur, útlendingahatur, eða vera á annan hátt ámælisverðar. Innsending slíkra mynda mun leiða til útilokunar úr ljósmyndakeppninni.

Gagnavernd:

• Með þátttöku í keppninni á ljósmyndarinn höfundarréttinn að innsendum myndum. Ljósmyndarar leysa verkefnisteymið og samstarfsaðila þess undan hugsanlegum kröfum þriðja aðila og staðfesta að þeir einir séu rétthafar myndarinnar.
• Með því að senda inn ljósmynd og stutta athugasemd samþykkir þú að ljósmyndin og meðfylgjandi texti verði hluti af ICEBERG samfélagsvöktunarvettvanginum. Nafn þíns sem höfundur ljósmyndarinnar verður getið, nema þú óskir eftir nafnleynd.
•  Þessi ljósmyndakeppni er hluti af rannsóknarverkefni um viðhorf fólks til umhverfisröskunar. Með þátttöku leyfir þú rannsakendum að nota ljósmyndina þína og texta í óviðskiptalegum vísindalegum tilgangi (vísindagreinar, vísindaráðstefnur). Nafn þíns verður getið, nema þú óskir eftir nafnleynd.
• Fyrir spurningar um keppnina/verkefnið, vinsamlegast hafðu samband við: thora.herrmann@oulu.fi og christine.liang@ufz.de

Sjálfviljug þátttaka og réttur til að draga samþykki til baka:

Þátttaka þín í þessu verkefni er algjörlega sjálfviljug og þú getur hvenær sem er dregið þig úr verkefninu með einfaldri munnlegri tilkynningu án þess að þurfa að réttlæta ákvörðun þína. Þátttaka þín eða afturköllun hennar mun ekki hafa neinar afleiðingar fyrir þig. Þú getur óskað eftir að ljósmyndin þín verði fjarlægð úr ICEBERG samfélagsvöktunarvettvanginum. Samþykki fyrir gagnavinnslu má afturkalla hvenær sem er. Ef samþykki er ekki afturkallað, gildir það í 5 ár.