Ornigulluni ilisimatusarfissat (case-t)

ILULIAP ornigulluni sulinera sumiiffinni assigiinngitsuni pingasuni ingerlavoq: Svalbardip kitaa (Ny-Ålesund aamma Sørkapp Land), Islandip avannaa (Akureyri aamma Húsavik) kiisalu Kalaallit Nunaata kujataa (Narsaq, Qaqortoq aamma Nanortalik). Sumiiffiit pingasut tamarmik toqqarneqarnikuupput peqqutigalugu silap pissusaata allanngoriartornerata ajortumik sunniutaanik mingutsitsinermillu misigisaqarfiummata.

Ilisimatusaatigalugu case-t pingasut tamarmik assigiissutigaat inuiaqatigiit mikisuunertik kiisalu inuuniarnerminnut aalisarneq takornariaqarnerlu pingaaruteqarmata. Sumiiffiit taakku ukiuni kingullerni Issittumi takornariaqarnerup qaffariarneratigut kiisalu takornariartaatsinit umiarsuarnit annertuumik soqutigineqarneq misigisimavaat, tamannalu avatangiisinik malunnartumik sunniuteqarsimalluni.

ILULIAQ projekti Kalaallit Nunaanni Islandimilu inuiaqatigiinnik suleqateqarnikkut mingutsitsinermut alapernaataasussanik atortorissaarutinik inerisaassaaaq aammalu patajaatsumik siumut pilersaarusiorfiginnissalluni.

Kalaallit Nunaat

Kalaallit Nunaata kujataa, ingammik Qaqortup, Narsap Nanortallillu nalaa, misissuinermut annertuumik soqutiginaateqarpoq. Tamaani, misissuinerup Atlantikumit Avannarlermiit Labradorip Imartaanut sarfat ingerlaarfiini mingutsitsineq uumassusillit sumiiffiullu pinngorartitsineri malinnaavigisinnaavaa. Inuuniutit aningaasaqarnikkullu atugassarititaasut assigiinngitsut, nunalerineq, aalisarneq, piniarneq, katersineq takornariaqarnerlu ilanngullugit, tassanilu Kalaallit Inuit nunaqqatigiit kulturikkut assigiinngisitaartuunerat aammalu sumiiffimmi avatangiisip assigiinngiiaartunera, silap pissusaata allanngoriartornerata mingutsitsinerullu nunaqqatigiinnut pinngortitamilu ataqatigiinnernut sunniutaat pillugit ilisimasanut pilersitseqataanermut pingaarnerpaatut malinnaavigineqassaaq.

Island

Islandip sermii sukkasoorujussuarmik aakkiartorput, sermip erngata Akureyrip Húsavikkillu kangerluinut annertuumik kuunnera nunap ilusaata allanngorneranik sunniuteqarpoq. Ilanngullugu, silap pissusaata allanngoriartornerata Islandip Avannaani sineriaanilu immap seernarsiartorneranik ilapittuutaavoq, uumassusillit takornartat tiguaaneri umiarsuit takornariartaatit, kilisaatit kiisalu arfernik isiginnaarniarluni angallatit mingutsitsineri, aalisarnermut, takornariaqarnermut aammalu Akureyrimi Húsavikkimilu nunaateqarnermi ingerlatsinermut suliffeqqarfiinut sunniuteqarput.

Svalbard

Svalbardimi kryosfærip (nunami aputip, nunap qeriuaannartup kiisalu immap sikuata) aakkiartupiloornerata, Atlantikup imartaaniit Issittup imartaanut immap ingerlaarnera annertusitippaa. Spitsbergip Kujataa (Sørkapp Land) Svalbardimi misissuivitta ilagivaat, tamannami imaanut igitakut imarpissuup sarfaata tikiussaasa katersuuffigivaat. Sumiiffimmi tassani misissuineq mingutsitsinermi paasisat naligiisinneqarsinnaanerannik katersineq pisariutikkunnaassavaa. Svalbardimi misissuisarfitta aappaa Spitsbergip Avannaaniittumi, sermersuup aputillu tunuariartupiloornerinik misissuinernut sivisuumik ingerlareersunut tapertaassapput.

Innuttaasunut ilisimatusarnermut peqataasarfiannut ilanngugit

Innuttaasunut ilisimatusarnitsinnut peqataasunut tamanut peqataasarfimmik pilersitsingajalerpugut. Nittartakkatsinniit peqataasartarfimmut linkiliussaagut!

Nutaarsiassaatitsinnik pisartagaqalerit projektillu ingerlaarneranut malinnaaqataalerlutit.

lmallugu

Attavigitigut

Ilisimatusarnermi Ataqatigiissaarisoq (Scientific Coordinator)

Prof. Thora Herrmann
University of Oulu
thora.herrmann@oulu.fi

Projektimi Aqutsisoq (Project Manager)

Dr Élise Lépy
University of Oulu
elise.lepy@oulu.fi

Attaveqarnermut (Communication)

Marika Ahonen
Kaskas
marika.ahonen@kaskas.fi

Innovative Community Engagement for Building Effective Resilience and Arctic Ocean Pollution-control Governance in the Context of Climate Change

ICEBERG has received funding from the European Union's Horizon Europe Research and innovation funding programme under grant agreement No 101135130

Tatigeqatigiinnermut politikki